करमाळ्यात तुरीचा तोरा; साडेदहा हजाराचा टप्पा ओलांडला ! आज मिळाला ‘इतका’ उच्चांकी दर !
करमाळा कृषि उत्पन्न बाजार समितीमधे प्रतिदिनी तुरीचा तोरा वाढतच असून शुक्रवारी साडेदहा हजाराचा टप्पा ओलांडत १०५९१ इतका उच्चांकी दर मिळाला आहे .
शासन निर्धारीत हमीभावापेक्षा जादा दर मिळत असून शेतकऱ्यांनी आपला तुरीसह अन्य शेतमाल विक्रीस आणावा असे आवाहन बाजार समितीचे सभापती माजी आमदार जयवंतराव जगताप यांनी केले आहे . सध्या तुरीची दररोज सर्वसाधारण पणे पाचशे कट्टे च्या घरात आवक होत असून दर वाढतच आहेत . तुरीला सरासरी दहाहजार व कमाल साडे दहा हजारांहून अधिक दर मिळत आहे .
तुरीसोबतच ज्वारी , हरभरा व मकेची देखील आवक आता वाढत आहे . तुरीच्या सरासरी उत्पादनात झालेली घट , तुरीची मागणी यामुळे दरात वाढ झालेली दिसत आहे . करमाळा बाजार समितीमधे सध्या दररोज पन्नास लाखाची उलाढाल होत आहे .
दुष्काळी परिस्थितीमुळे ओस पडलेल्या करमाळा बाजार पेठेवर याचा काही अंशी का होईना सकारात्मक परिणाम दिसून येत असल्याची माहिती माजी आ. जगताप यांनी दिली .
Comment here