तालुक्यात 15 ग्रामपंचायतीत होणार निवडणूकांचा रणसंग्राम; सरपंच पदासाठी 45 तर सदस्य पदासाठी 408 उमेदवार रिंगणात: उंदरगाव ग्रामपंचायतीसह ‘या’ चार गावातील 9 सदस्य बिनविरोध

करमाळ्यात 15 ग्रामपंचायतीत होणार निवडणूकांचा रणसंग्राम; सरपंच पदासाठी 45 तर सदस्य पदासाठी 408 उमेदवार रिंगणात: उंदरगाव ग्रामपंचायतीसह ‘या’ चार गावातील 9 सदस्य बिनविरोध

करमाळा (प्रतिनिधी) करमाळा तालुक्यातील 15 ग्रामपंचायतच्या सरपंच पदाच्या निवडणुकीसाठी 45 तर सदस्य पदाच्या निवडणुकीसाठी ४०८ उमेदवार रिंगणात उतरले आहेत. यामध्ये उंदरगाव ग्रामपंचायत बिनविरोध झाली. येथील सात ग्रामपंचायत सदस्य व सरपंच बिनविरोध झाले आहेत. याशिवाय निंभोरे एक, कोर्टी एक, केतुर पाच, व भगतवाडीचे दोन सदस्य बिनविरोध निवडले आहेत.

प्रभारी तहसीलदार विजयकुमार जाधव यांच्या मार्गदर्शनाखाली अर्ज मागे घेणे ची प्रक्रिया आज झाली. यावेळी अनुचित प्रकार घडू नये म्हणून पोलीस निरीक्षक ज्योतिराम गुंजवटे यांच्या मार्गदर्शनाखाली सहाय्यक पोलीस निरीक्षक प्रवीण साने यांनी बंदोबस्त ठेवला होता.

तालुक्यातील कावळवाडी ग्रामपंचायत मध्ये 14, रामवाडी 14 , भगतवाडी -10,  राजुरी- 23, चिकलठाण – 26 , गौंडरे – 28,  कंदर- 45, कोर्टि – 36 ,  निंबोरे – 24 , केतुर – १६ , वीट – 38,  कोटी – 33 , रावगाव – 22 , केम-  34,  जेऊर – 30, असे 408 उमेदवारी सदस्य साठी निवडणूक रिंगणात आहेत तर सरपंच पदासाठी कावळवाडीत दोन रामवाडी दोन भगतवाडीतून राजुरी दोन चिकलठाण दोन गौणरे चार कंदर पाच कोटी चार निंभोरे तीन केतुर चार वीट तीन घोटी तीन रावगाव तीन केम दोन जेऊर तीन असे एकूण 45 उमेदवार रिंगणात आहेत.

बिनविरोध झालेले सदस्य खालील प्रमाणे,,,,,,,,

भगतवाडी दोन, उंदरगाव सात, निंभोरे एक, कोटी एक, तर केतुर पाच, उंदरगाव सरपंच बिनविरोध झाली आहे

करमाळा ग्रामपंचायतच्या आता पंधरा ग्रामपंचायतीच्या निवडणुकीकरिता तालुक्यातील सत्ताधारी आमदार संजय मामा शिंदे तसेच माजी आमदार नारायण आबा पाटील तसेच माजी आमदार जयंतराव जगताप तसेच युवा नेते दिग्विजय बागल गट यांनी कंबर कसली असून येत्या पाच डिसेंबर रोजी मतदान असून सहा डिसेंबरला मतदान आहे.

करमाळा तालुक्यातील एकूण पंधरा ग्रामपंचायत पैकी जेऊर कंदर केम चिकलठाण तसेच कंदर या मोठ्या ग्रामपंचायतच्या निकालाकडे करमाळा तालुक्यातील नागरिकाचे लक्ष वेधले आहे

विशेषता जेऊर ग्रामपंचायत मध्ये माजी आमदार नारायण आबा पाटील यांचे थोरले चिरंजीव पैलवान पृथ्वीराज पाटील यांच्या विरोधात संभाजी ब्रिगेडचे पुणे विभागीय कार्याध्यक्ष नितीन खटके हे विरोधात सरपंच पदासाठी उभे असून याकडे संपूर्ण तालुक्याचे लक्ष लागले आहे