सोलापूर जिल्हा

सोलापूर जिल्ह्यातील पात्र नागरिकांना मतदार नोंदणीसाठी ‘या’ तारखेपर्यंत मुदतवाढ

करमाळा माढा न्यूजच्या सर्व बातम्या मिळवण्यासाठी क्लिक करून फॉलो करा : फेसबुक | ट्विटर | इंस्टाग्राम | टेलिग्रामयुट्युबव्हाट्सएप

सोलापूर जिल्ह्यातील पात्र नागरिकांना मतदार नोंदणीसाठी या तारखेपर्यंत मुदतवाढ
1 जानेवारी 2022 रोजी वयाची 18 वर्षे पूर्ण करणाऱ्या पात्र नागरिकांना 5 डिसेंबर 2021 पर्यंत मतदार यादीत नावे नोंदवावीत

सोलापूर- भारत निवडणूक आयोगाकडून राबविण्यात येत असलेल्या विशेष संक्षिप्त पुनरीक्षण कार्यक्रमाचा कालावधी वाढविण्यात आला असल्याने 5 डिसेंबर 2021 पर्यंत पात्र नागरिकांना मतदार यादीत नाव नोंदविण्यास मुदतवाढ देण्यात आली आहे.

भारत निवडणूक आयोगाकडूून 1 ते 30 नोव्हेंबर 2021 या कालावधीत विधानसभा मतदारसंघांच्या मतदार याद्यांचा विशेष संक्षिप्त पुनरीक्षण कार्यक्रम राबविण्यात आला.

त्या आधारावर 5 जानेवारी 2022 रोजी विधानसभा मतदारसंघांच्या अंतिम मतदार याद्या प्रसिद्ध करण्यात येणार आहेत. संक्षिप्त पुनरीक्षण कार्यक्रमास मुदतवाढ मिळाल्याने आता पुन्हा 1 जानेवारी 2022 रोजी वयाची 18 वर्षे पूर्ण करणाऱ्या पात्र नागरिकांना 5 डिसेंबर 2021 पर्यंत मतदार यादीत नावे नोंदविण्यास मुदतवाढ देण्यात आल्याने आपलेेेे नाव मतदार यादीत समाविष्ट करण्याची संधी प्राप्त झाली आहे.


नागरिकांना ऑनलाईन पद्धतीनेदेखील www.nvsp.in या संकेतस्थळावर नाव नोंदविणे, नावाची पडताळणी करणे किंवा नावांतील, पत्त्यांतील तपशिलांत दुरुस्त्याही करता येतील. मतदार यादी संदर्भातील दावे व हरकती 5 डिसेंबर 2021 पर्यंत स्विकारण्यात येतील आणि 20 डिसेंबरपर्यंत त्या निकालात काढण्यात येतील. यादीची अंतिम प्रसिद्धी 5 जानेवारी 2022 रोजी करण्यात येईल.


मतदारांनी विधानसभा मतदरसंघांच्या 1 नोव्हेंबर 2021 रोजी प्रसिद्ध झालेल्या प्रारूप मतदार याद्यांतील आपल्या नावांचीही खात्री करुन घ्यावी. नाव नसल्यास ते त्वरीत नोंदवून घ्यावे; तसेच विहित पद्धतीने मृत व्यक्तींची किंवा दुबार नावेदेखील वगळावित, असे आवाहन जिल्हा निवडणूक अधिकारी तथा जिल्हाधिकारी मिलिंद शंभरकर यांनी केले आहे.

litsbros

Comment here