श्री नंदिकेश्वर विद्यालयाचे जिल्हास्तरीय मैदानी स्पर्धेत यश;6 विद्यार्थिनींची पुणे विभागीय मैदानी स्पर्धेसाठी निवड
माढा प्रतिनिधी:पंढरपूर येथे झालेल्या जिल्हास्तरीय मैदानी क्रीडा स्पर्धेत रयत शिक्षण संस्थेच्या,श्री नंदिकेश्वर विद्यालय उपळाई बुद्रुक विद्यालयाने उज्वल यश संपादन केले.विद्यालयाच्या 06 विद्यार्थिनींची पुणे विभागस्तरीय मैदानी स्पर्धेसाठी निवड झालेली आहे.
यामध्ये 14 वर्षे मुलींच्या वयोगटात राजनंदिनी वागज हिने 100 मीटर धावणे स्पर्धेत द्वितीय क्रमांक मिळवत यश संपादन केले. तिची पुणे विभागीय मैदानी स्पर्धेसाठी निवड झालेली आहे.तसेच स्वप्नाली देशमुख हिने 600 मीटर धावणे स्पर्धेत तृतीय क्रमांक मिळवत यश संपादन केले.
4×100 मीटर रिले स्पर्धेत 14 वर्षे मुलींचा संघ सोलापूर जिल्ह्यात द्वितीय आला.यामध्ये राजनंदिनी वागज, काजल पवार, साक्षी चव्हाण, स्वप्नाली देशमुख व मैथिली थोरात यांनी यश मिळवले.4×100 मीटर रिले स्पर्धेत 14 वर्षे मुलांचा संघ सोलापूर जिल्ह्यात तृतीय आला. यामध्ये अमन काझी,रोहित जाधव, संजोतराजे कोळेकर,निरंजन वाकडे व सार्थक सावंत यांनी यश संपादन केले.
17 वर्षे मुलींच्या धावणे स्पर्धेत कु.निकिता सावंत हिने ८०० मीटर धावणे स्पर्धेत तृतीय क्रमांक मिळवत यश संपादन केले.4×400 मीटर रिले स्पर्धेत 17 वर्षे मुलींचा संघ सोलापूर जिल्ह्यात प्रथम आला. यामध्ये साक्षी राऊत,धनश्री माळी, वैष्णवी डुचाळ, निकिता सावंत व समृद्धी झाडबुके यांनी उज्वल यश संपादन केले.या संघाची पुणे विभागीय मैदानी स्पर्धेसाठी निवड झालेली आहे.
यशस्वी विद्यार्थ्यांना क्रीडाशिक्षक शब्बीर तांबोळी सर यांचे मार्गदर्शन लाभले.
यशस्वी विद्यार्थिनी व मार्गदर्शक क्रीडाशिक्षक यांचे क्रीडा अधिकारी गणेश पवार साहेब तसेच मुख्याध्यापक औदुंबर गायकवाड,स्कूल कमिटी सिताराम गायकवाड,श्री कृष्णा घाडगे,ॲड. नानासाहेब शेंडे यांच्यासह शिक्षक-शिक्षकेतर कर्मचारी व पंचक्रोशीतील ग्रामस्थ यांनी अभिनंदन केले व विभागीय स्पर्धेसाठी शुभेच्छा दिल्या.
Comment here