क्राइमराजकारणसोलापूर जिल्हासोलापूर शहर

ब्रेकिंग न्यूज- चंद्रकांत दादा नंतर आज सोलापुरात भाजपच्या ‘या’ माजी मंत्र्यावर फेकली शाई

करमाळा माढा न्यूजच्या सर्व बातम्या मिळवण्यासाठी क्लिक करून फॉलो करा : फेसबुक | ट्विटर | इंस्टाग्राम | टेलिग्रामयुट्युबव्हाट्सएप

ब्रेकिंग न्यूज- चंद्रकांत दादा नंतर आज सोलापुरात भाजपच्या ‘या’ माजी मंत्र्यावर फेकली शाई

उच्च व तंत्र शिक्षण मंत्री चंद्रकांत पाटील यांनी डॉ. बाबासाहेब आंबेडकर, महात्मा ज्योतिबा फुले, कर्मवीर भाऊराव पाटील यांच्यासारख्या महापुरुषांबद्दल बदनामीकारक वक्तव्य केल्याने संतापाची लाट उसळली आहे. त्याचे पडसाद संपूर्ण महाराष्ट्रात उमटत आहेत.

पिंपरी चिंचवडमध्ये चंद्रकांत पाटील यांच्यावर शाई फेकण्यात आली होती. हे प्रकरण ताजे असताना सोलापूर शहर उत्तर मधील भाजपा आमदार विजयकुमार देशमुख यांच्यावर एका तरुणाने शाई फेकल्याचं समोर आलं आहे.

सम्राट चौक येथील एका सामुदायिक विवाह सोहळ्यात शाईफेक करण्यात आली. न्यू बुधवार पेठ येथील बुद्धराष्ट्र प्रतिष्ठान यांच्या वतीने सर्वधर्मीय सामूहिक विवाह सोहळ्याचे आयोजन करण्यात आले होते. मंगळवार 13 डिसेंबर रोजी सायंकाळी ही घटना घडली आहे.
भीम आर्मीने इशारा दिला होता.

सोलापूर भारतीय जनता पार्टीच्या नेत्यांना भीम आर्मीने जाहीर इशारा दिला होता. जोपर्यंत चंद्रकांत पाटील यांच्यावर गुन्हा दाखल होत नाही, तोपर्यंत भाजपाच्या एकाही नेत्याला कार्यक्रमास जाऊ देणार नाही, फिरू देणार नाही आणि जर गेलेच तर तोंडाला काळं फासल्याशिवाय भीम आर्मी शांत बसणार नाही, असा इशारा दिला होता.

विवाह सोहळ्यात शाई फेक

सोलापूर शहरातील न्यू बुधवार पेठ येथे एका विवाह सोहळ्याला आमदार विजयकुमार देशमुख हे प्रमुख पाहुणे म्हणून उपस्थित होते. ते त्याठिकाणी गेले असता भीम आर्मीच्या अजय मैनदरगीकर या कार्यकर्त्याने भाजप आमदारावर शाई फेकून त्यांना काळं फसण्याच्या प्रयत्न केला आहे.

आमदार देशमुख यांच्या अंगावर शाई फेकण्यात आल्याची माहिती होताच उपस्थित पोलिसांनी ताबडतोब भीम आर्मीच्या कार्यकर्त्यास ताब्यात घेतले. पोलीस निरीक्षक शिवाजी राऊत यांनी भीम आर्मीच्या युवकाला ताब्यात घेऊन जोडभावी पेठ पोलीस ठाण्यात नेले. आमदार देशमुख हे शर्ट बदलून त्या कार्यक्रमाला तिथेच थांबले आहेत अशी माहिती मिळाली.

litsbros

Comment here