अक्कलकोटकरमाळाक्राइमपंढरपूरबार्शीमंगळवेढामाळशिरससांगोलासोलापूर जिल्हासोलापूर शहर

गोव्याहून आणलेली  8 लाख 40 हजाराची विदेशी दारु जप्त ; सोलापूर राज्य उत्पादन शुल्क विभागाची कारवाई

करमाळा माढा न्यूजच्या सर्व बातम्या मिळवण्यासाठी क्लिक करून फॉलो करा : फेसबुक | ट्विटर | इंस्टाग्राम | टेलिग्रामयुट्युबव्हाट्सएप

गोव्याहून आणलेली  8 लाख 40 हजाराची विदेशी दारु जप्त ; सोलापूर राज्य उत्पादन शुल्क विभागाची कारवाई

सोलापूर ; राज्य उत्पादन शुल्क सोलापूर विभागाने दिनांक 19 जून रविवारी पहाटे 3.30 वाजता सोलापूर शहरातील गेंट्याल टाकीज चौक येथे सापळा रचून एका टेंपो वाहनातून गोवा राज्य निर्मित व गोवा राज्यात विक्रीस असलेला विदेशी मद्याचा एकूण रुपये 8 लाख 40 हजार 960 किमतीचा मद्यसाठा जप्त केला आहे.


सविस्तर वृत्त असे की, राज्य उत्पादन शुल्क भरारी पथक सोलापूर यांनी 19 जून रोजी पहाटे ३.३० वाजता सोलापूर शहरातील गेंट्याल चौक येथे एका टाटा 407 टेंपो वाहनातून विदेशी मद्याची वाहतूक होत असल्याच्या मिळालेल्या खात्रीलायक बातमीनुसार सापळा रचला.

त्यानुसार टेंपो क्रमांक MH 04 EB 6050 या वाहनाला अडवून त्याची तपासणी केली असता त्यात दोन इसम नामे शिवा बाबू राठोड, राहणार विजापूर व इरेश गंगाधर नावडे, राहणार, भवानी पेठ सोलापूर आढळून आले. त्यांना सदर वाहनात काय आहे? अशी विचारपूस केली असता त्यात विदेशी दारू असल्याचे त्यांनी सांगितले,.

वाहनाची तपासणी केली असता वाहनात गोवा राज्यात विक्रीस व महाराष्ट्र राज्यात विक्रीसाठी प्रतिबंधित असलेल्या विदेशी मद्याचे पाच ब्रँड चा साठा मिळून आला. सदर साठ्यामध्ये रॉयल स्टॅग विस्की, ओल्ड बिल व्हिस्की, इम्पेरियल बल्यू व्हिस्की, मॅक डॉवेल नंबर वन व्हिस्की , रॉयल चॅलेंज व्हिस्की या ब्रँडचे एकूण 110 बॉक्स आढळून आले.

जप्त केलेल्या दारू ची किंमत आठ लाख ४० हजार ९६० रुपये इतकी असून वाहनाच्या किमतीसह एकूण १४ लाख ४० हजार ९६० रुपये किंमतीचा मुद्देमाल सदर कारवाईत जप्त करण्यात आलेला आहे.

अटक केलेल्या दोन्ही आरोपींविरुद्ध महाराष्ट्र दारूबंदी कायदा १९४९ चे कलमांतर्गत गुन्हा नोंदविण्यात आला असून सदर गुन्ह्यातील मुख्य सूत्रधार सागर माळी, राहणार मंद्रुप ता. दक्षिण सोलापूर हा फरार असून त्याचा शोध सुरू आहे.

सदर कारवाई राज्य उत्पादन शुल्क महाराष्ट्र राज्याचे आयुक्त श्री कांतीलाल उमाप , विभागीय उप आयुक्त पुणे विभाग श्री अनिल चासकर यांचे मार्गदर्शनाखाली अधीक्षक राज्य उत्पादन शुल्क सोलापूर नितीन धार्मिक , उपअधीक्षक आदित्य पवार , दुय्यम निरीक्षक भरारी पथक सोलापूर एस. ए. पाटील, सुरेश झगडे, दुय्यम निरीक्षक श्रीमती मिसाळ व सहायक दुय्यम निरीक्षक होळकर, जवान कर्मचारी सावंत, ढब्बे , चेतन व्हनगुंटी, वाहन चालक दिपक वाघमारे व मदने यांनी केली आहे.

आवाहन

राज्य उत्पादन शुल्क सोलापूर विभागाकडून विशेष पथके नेमण्यात आली असून अवैध दारू विक्री, निर्मिती, वाहतूकीवर सातत्याने कारवाया केल्या जात आहेत. तसेच सर्व नागरिकांना आवाहन करण्यात येते की, कोणत्याही ठिकाणी अवैध हातभट्टी दारू निर्मिती /वाहतूक /विक्री /साठा, बनावट दारू, परराज्यातील दारू याबाबत माहिती मिळाल्यास या विभागास संपर्क साधावा.

litsbros

Comment here