ब्रेकिंग; संभाजीराजेंचा आक्रमक पवित्रा, ‘या’ तारखेला पुन्हा होणार ‘मराठा मोर्चा’
शिवराज्याभिषेक दिनाच्या निमित्त आज रायगडावर खासदार छत्रपती संभाजीराजे यांनी शिवरायांच्या प्रतिमेचं पूजन केले.या कार्यक्रमानंतर शिवभक्तांशी संवाद साधताना छत्रपती संभाजीराजे मराठा आरक्षणाच्या मुद्द्यावर चांगलेच संतापलेले पाहायला मिळाले.
मराठा आरक्षणाप्रश्नी राज्य सरकारला ६ जूनपर्यंत अल्टिमेटम देणाऱ्या खासदार संभाजीराजे यांनी आपली भूमिका जाहीर केली आहे.
येत्या १६ जूनला कोल्हापुरात आंदोलनाची सुरूवात होणार असून मराठा समाजाचा पहिला मोर्चा शाहू महाराजांच्या समाधीपासून निघेल.
मी राजकारणी नाही. राजकारण करत नाही. समाजावार अन्याय होत असेल तर न्याय देणं ही आमची भूमिका आहे. मराठा समाज वाईट परिस्थितीत आहे.
एवढे दिवस तुम्ही माझा संयम पाहिला, पण आता काय होईल ते होईल. मी मेलो तरी चालेल पण मराठा समाजाला न्याय दिल्याशिवाय राहणार नाही अशी भूमिका खासदार संभाजीराजे यांनी रायगडावरून मांडली.
दरम्यान, एवढेच नाही तर राज्यातील प्रत्येक जिल्ह्यात आंदोलन करणार. पुण्यापासून ते मुंबईपर्यंत मराठा समाज लाँग मार्च काढणार असा इशारा देखील संभाजीराजेंनी रायगडावरून दिला.
Comment here