आरोग्यमहाराष्ट्रमुंबईशैक्षणिक

शाळा सुरु करण्याच्या निर्णयाचा पुर्नविचार होण्याची शक्यता; शिक्षणमंत्र्यांचे संकेत

करमाळा माढा न्यूजच्या सर्व बातम्या मिळवण्यासाठी क्लिक करून फॉलो करा : फेसबुक | ट्विटर | इंस्टाग्राम | टेलिग्रामयुट्युबव्हाट्सएप

शाळा सुरु करण्याच्या निर्णयाचा पुर्नविचार होण्याची शक्यता; शिक्षणमंत्र्यांचे संकेत

राज्यात वाढत्या ओमायक्रॉन संकटाच्या पार्श्वभूमीवर काही नियम कठोर करण्यात आले आहेत. कोरोनामुळं गेल्या अनेक दिवसांपासून बंद असलेल्या शाळा नुकत्याच काही भागात सुरु केल्या गेल्या. मात्र ओमायक्रॉनच्या संकटामुळं आता एक डिसेंबरपासून सुरु झालेल्या शाळांवर पुन्हा एकदा गदा येण्याची शक्यता निर्माण झाली आहे.  शिक्षणमंत्री वर्षा गायकवाड आणि मुंबई महापालिका  प्रशासनाने पुन्हा शाळा बंद होण्यासंदर्भात संकेत दिले आहेत.

 ओमायक्रॉनच्या पार्श्वभूमीवर आढावा घेऊन शाळांबाबत 4 ते 5 दिवसांत निर्णय घेतला जाईल, अशी माहिती मिळत आहे. 
राज्याच्या शालेय शिक्षण विभागालाही लहान मुलांच्या लसीकरणाची प्रतीक्षा आहे. लहान मुलांचं लसीकरण सुरू व्हावं अशी अपेक्षा शालेय शिक्षण मंत्री वर्षा गायकवाड यांनी व्यक्त केली आहे. शाळांबाबतचा निर्णय स्थानिक पातळीवर निरीक्षण करून घेतला जाईल, असंही त्यांनी सांगितलं.


वर्षा गायकवाड यांनी म्हटलं आहे की,  स्थानिक पातळीवर निरीक्षण करुन शाळांबाबत निर्णय घेतला जाईल.  मुंबई, पुण्यात 15 डिसेंबर पासून शाळा सुरु करण्याचा निर्णय घेतला आहे. ओमाक्रॉनच्या पार्श्वभूमीवर याठिकाणच्या प्रशासनाकडून परिस्थितीचं निरीक्षण केलं  जात आहे.  टास्क फोर्ससोबत चर्चा करुन शाळांची नियमावली बनवली आहे. इथुन पुढेही स्थानिक प्रशासकीय यंत्रणेकडून परिस्थितीचा आढावा घेऊन गरज पडल्यास पुढील निर्णय घेतले जातील, असं गायकवाड यांनी म्हटलं आहे. 


लहान मुलांच्या लसीकरणाबाबत कोणतीही माहिती शालेय शिक्षण विभागाकडे आलेली नाही. मात्र, लहान मुलांचं आरोग्य, सुरक्षा ही प्राथमिकता आहे. त्यामुळे लहान मुलांचं लसीकरण सुरु व्हावं अशी आमची अपेक्षा आहे, असंही त्यांनी म्हटलं आहे. 
दुसरीकडे मुंबईच्या महापौर किशोरी पेडणेकर यांनी म्हटलं आहे की,  शाळांबाबत अजुनही निर्णय घेतलेला नाही. त्यामुळे वाट पाहावी लागेल.  आपण तिसऱ्या लाटेला थोपवू असंही त्यांनी म्हटलं आहे. 

litsbros

Comment here