आरोग्यमहाराष्ट्र

ओमिक्रॉनचा धसका ! ‘या’ जिल्ह्यात राज्यातील पहिली जमावबंदी; रॅली, धरणे, आंदोलनावर बंदी

करमाळा माढा न्यूजच्या सर्व बातम्या मिळवण्यासाठी क्लिक करून फॉलो करा : फेसबुक | ट्विटर | इंस्टाग्राम | टेलिग्रामयुट्युबव्हाट्सएप

ओमिक्रॉनचा धसका ! ‘या’ जिल्ह्यात राज्यातील पहिली जमावबंदी; रॅली, धरणे, आंदोलनावर बंदी

 कर्नाटक, गुजरातनंतर आता महाराष्ट्रात ओमिक्रॉन विषाणूची लागण झालेला रुग्ण आढळल्यामुळे आरोग्य विभाग, राज्य सरकार तसेच प्रशासन सतर्क झाले आहे. नागरिकांनी कोरोना प्रतिबंधक नियम पाळावेत असे आवाहन केले जात आहे. या पार्श्वभूमीवर अकोला जिल्ह्यात कठोर निर्बंध लावण्यात आले आहेत. या जिल्ह्यात 4 डिसेंबरच्या मध्यरात्रीपासून जमावंबदीचे आदेश लागू करण्यात आले आहेत. ओमिक्रॉन विषाणूचा प्रसार टाळण्यासाठी अकोल्याच्या जिल्हाधिकाऱ्यांनी हा निर्णय घेतलाय.


ओमिक्रॉन ही नवी कोरोना विषाणूची प्रजाती आढळून आल्याने संसर्गाचा धोका वाढू नये यासाठी अकोला जिल्ह्यात प्रतिबंधात्मक उपाययोजना म्हणून निर्बंध लावले जात आहेत. ओमिक्रॉन या कोरोनाच्या नव्या विषाणूनंतर जमावबंदीसारखे निर्बंध लावणारा अकोला हा पहिलाच जिल्हा आहे. या विषाणूचा प्रसार होऊ नये म्हणून जिल्हाधिकारी निमा अरोरा यांनी फौजदारी प्रक्रिया संहिता 1973 चे कलम 144 अन्वये जिल्ह्यात जमावबंदीचे आदेश निर्गमित केले आहेत.


जिल्हाधिकाऱ्यांनी जारी केलेल्या आदेशानुसार अकोला जिल्ह्यात 4 डिसेंबरच्या मध्यरात्री 12 वाजल्यापासून पासून शहरी व ग्रामिण भागात जमावबंदीचा आदेश लागू असेल. या काळात कोणत्याही प्रकारची रॅली, धरणे, आंदोलन, मोर्चा तसेच इतर कार्यक्रमांच्या आयोजनावर बंदी असेल.
कर्नाटकात ओमिक्रॉन विषाणूने बाधित असलेल्या दोन व्यक्ती सापडल्यानंतर राज्यात खबरदारी घेतली जात होती. त्यातही डोंबिवलीत ओमिक्रॉन विषाणूने बाधित एक रुग्ण आढळला आहे. त्याला कोरोनाची सौम्य लक्षणे आहेत. सध्या त्याच्यावर उपचार सुरु आहेत.

मात्र राज्यात ओमिक्रॉनाचा शिरकाव झाल्यामुळे आता जिल्हा पातळीवरील यंत्रणा सतर्क झाल्या आहेत. त्याची प्रचिती अकोला जुल्हाधिकाऱ्यांनी लागू केलेल्या जमावबंदीच्या आदेशातून आली आहे. या काळात आता धरणे, आंदोलन, रॅली, मोर्चा अशा गर्दी वाढवणाऱ्या कार्यक्रमांना बंदी असेल.
डोंबिवलीतील ओमिक्रॉनची लागण झालेल्या तरुणाने कोणतीही कोविड प्रतिबंधक लस घेतलेली नाही. दिनांक 24 नोव्हेंबर 2021 रोजी या प्रवाशाला सौम्य ताप आला होता. अन्य कोणतीही लक्षणं त्याच्यात आढळून आली नाहीत. त्यामुळे या रुग्णाचा आजार एकूण सौम्य स्वरुपाचा असून तो सध्या कल्याण डोंबिवली येथील कोविड केअर सेंटरमध्ये उपचार घेत आहे. या रुग्णाच्या 12

अतिजोखमीच्या निकट सहवासितांचा आणि 23 कमी जोखमीच्या निकट सहवासितांचा शोध घेण्यात आला असून हे सर्वजन कोविड निगेटिव्ह आढळले आहेत. याशिवाय या तरुणाने दिल्ली ते मुंबई हा प्रवास ज्या विमानाने केला त्या विमान प्रवासातील 25 सहप्रवाशांची देखील तपासणी करण्यात आली आहे. त्यापैकी सर्वजण कोविड निगेटिव्ह आढळलेले आहेत.
दरम्यान, ओमिक्रॉन विषाणूचा संसर्गदर जास्त असला तरी मृत्युदर कमी असल्याचे आरोग्यमंत्री राजेश टोपे यांनी सांगितलेले आहे. ओमिक्रॉन विषाणूची आपल्याकडे प्राथमिक माहिती आहे. त्यामुळे यासंदर्भात जागतिक आरोग्य संघटना तसेच आयसीएमआर सूचना देतील. पण राज्यात ओमिक्रॉनचा शिरकाव झाला असला तरी पॅनिक होण्याची गरज नाही, असे टोपे यांनी सांगितलेले आहे.

litsbros

Comment here