करमाळा तालुक्यातील राजुरी येथे उद्यापासून जनावरांना लम्पी आजारावरील मोफत लसीकरण
केत्तूर (प्रतिनिधी) राजुरी (ता.करमाळा) ग्रामपंचायतीच्यावतीने लम्पी आजारावरील प्रतिबंधात्मक मोफत लसीकरण उद्यापासून सुरू होणार असल्याची माहिती सरपंच डॉ. अमोल दुरंदे यांनी दिली आहे.
बुधवार (ता.14) रोजी सकाळी 8 वाजता राजुरी येथे डॉ.प्रवीण शिंदे, पशुधन विकास अधिकारी( विस्तार ), पंचायत समिती,करमाळा यांच्या हस्ते लसीकरण सुरवात होणार आहे. शेतकऱ्यांनी आपल्याकडील सर्व जनावरांना डॉ. झोळ व त्यांच्या टीम कडून लस टोचवून घ्यावी.
शेतकऱ्यांनी लंपी आजाराला घाबरून न जाता प्रतिबंधात्मक उपाय योजनाकडे लक्ष द्यावे. शक्यतो जनावरांना गावाच्या बाहेर घेऊन जाऊ नये.
लम्पिची कोणतीही लक्षणे आढळल्यास ग्रामपंचायत किंवा पशुवैद्यकीय अधिकार्‍यास संपर्क साधावा, अशी माहिती सरपंच डॉ. अमोल दुरंदे यांनी दिली.
Comment here