करमाळा पोलिसांनी पकडली संत्रा देशी दारूच्या बॉक्स ने भरलेली बोलेरो; 7 लाखापेक्षा जास्त किमतीचा माल जप्त
करमाळा (प्रतिनिधी )करमाळा पोलीस स्टेशनचे पोलीस निरीक्षक सूर्यकांत कोकणे व त्यांच्या पोलिस कर्मचाऱ्यांनी आज अहमदनगर सोलापूर या राष्ट्रीय महामार्गावर नालबंद मंगल कार्यालय समोर सापळा रचून बोलेरो गाडी सहित संत्रा कंपनी च्या देशी दारूचे बॉक्स असा एकूण सात लाख 9 हजार 728 रुपयाचा माल हस्तगत केला आहे.
आज दिनांक 20/05/2021 रोजी करमाळा पोलीस ठाणे कडील पोलीस हेडकॉन्स्टेबल देवकर, पोलीस कॉन्स्टेबल चंद्रकांत ढवळे,सिद्धेश्वर लोंढे,तोफिक काझी,हनुमंत गवळी असे टेंभुर्णी ते अहमदनगर जाणारे हायवे रोड वरती पेट्रोलिंग करत होते.
आता कोरोना टेस्टसाठी नाका-तोंडातील स्वॅबची गरज नाही; फक्त ‘या’ द्वारे करता येणार चाचणी
यावेळी त्यांना बातमीदार मार्फत माहिती मिळाली की एक इसम पांढऱ्या रंगाची बोलेरो गाडीमधून दारुच्या बाटल्या घेऊन जात आहे. लागलीच त्यांनी सापळा रचून सदर गाडीला टेंभुर्णी ते अहमदनगर जाणारे हायवे रोड वरती नालबंद मंगल कार्यालयाजवळ पकडले. सदर गाडी चेक केले असता सदर गाडीमध्ये निलेश बाबासाहेब हंगे राहणार सोनारी तालुका परंडा जिल्हा उस्मानाबाद व देशी दारू संत्रा कंपनीचे दारूचे बॉक्स आढळून आले.
अशाप्रकारे देशी दारू संत्रा कंपनी च्या 180 मिली च्या 3264 सीलबंद बाटल्या व एक महिंद्रा बोलेरो कंपनीची चार चाकी गाडी तिचा आरटीओ नंबर एम एच 25 आर 8142 असा 7,09,728/- रुपये किमतीचा मुद्देमाल प्रोव्हीशन गुन्ह्याच्या कामी जप्त करण्यात आला.
सदरची कामगिरी माननीय पोलीस अधीक्षक मॅडम तेजस्वी सातपुते,अप्पर पोलीस अधीक्षक झेंडे साहेब,उपविभागीय पोलिस अधिकारी डॉक्टर विशाल हिरे साहेब,पोलीस निरीक्षक सूर्यकांत कोकणे यांच्या मार्गदर्शनाखाली करमाळा पोलीस ठाणे कडील डीबी पथकाने केली आहे.
सदर गुन्ह्याचा पुढील तपास पोलीस निरीक्षक सूर्यकांत कोकणे यांच्या मार्गदर्शनाखाली पोलीस हेडकॉन्स्टेबल संतोष देवकर करत आहेत.
करमाळा पोलीस स्टेशनचे कर्तव्यदक्ष पोलीस निरीक्षक सूर्यकांत कोकणे हे करमाळा येथे बदलुन आल्यापासून त्यांनी आपल्या चांगल्या कामाचा धडाका लावला असून गेली सहा वर्षापासून फरार असलेल्या दरोडा प्रकरणातील एका आरोपीला त्यांनी नुकतेच जेरबंद केले आहे.
Comment here