डिकसळ – कोंढार चिंचोली नविन पुलाचे ‘इतक्या’ कोटींचे टेंडर झाले फायनल; लवकरच काम होणार चालु
केतूर (अभय माने) करमाळा तालुक्यातील पश्चिम भागातील तीन जिल्ह्यांच्या सिमेवर असणारा ब्रिटीश कालीन डिकसळचा पुल (167 वर्षापूर्वी बांधलेला) नुकताच खचला आणि वहातुक बंद झाली. त्यामुळे प्रवासी नागरिक, विद्यार्थी , शेतकरी व सर्वसामान्यांना पर्यायी मार्गाचा जीवघेणा प्रवास सुरु झाला. जुन्या पुलाची डागडुजीची गरज ओळखून पूर्वीच यासाठी 2 कोटी रुपये ची तरतुद आ.संजयमामा शिंदे यांनी करून ठेवली आहे. त्याचेही काम लवकरच चालु होईल.
परंतु याच ठिकाणी आ.संजयमामा शिंदे यांनी नविन पुल आपले काळात बांधुन उभा करणेचे जनतेला आश्वासन दिले होते.. आघाडी सरकार मधे सामिल होवुन त्या साठी 55 कोटी रुपयांची मंजुरी देखिल मिळवली होती. याकामी तत्कालीन उपमुख्यमंत्री आणि विरोधी पक्षनेते अजितदादा पवार साहेब यांची देखिल मदत घेतली होती.
परंतु सरकार अचानक बदलले, कोरोनाचा दोन वर्षाचा काळ यामुळे या नविन पुलाचे काम होईल किंवा नाही असे प्रश्नचिन्ह होते. परंतु आ. संजयमामा शिंदे यांनी प्रयत्न करत या कामाचे टेंडर मंजुर करून आणले आहे. लवकरच नविन पुलाचे कामाची टेंडर प्रक्रीया होऊन काम चालु होणार आहे.
याबाबतची माहीती मिळताच करमाळा तालुक्याचे पश्चिम भागातील कार्यकर्त्यानी आनंद व्यक्त केला असुन, संपुर्ण करमाळाकर या कामाचे कौतुक करीत आहेत.
Comment here