श्रीगणेशाची मूर्ती स्थापन करताना पाळावयाचे नियम वाचा सविस्तर

श्रीगणेशाची मूर्ती स्थापन करताना पाळावयाचे नियम वाचा सविस्तर 

भाद्रपद महिन्यातील शुक्ल पक्षातील चतुर्थी तिथीला गणेश चतुर्थी साजरी करते. १० दिवसांत गणपतीची विधीपूर्वक पूजा आणि अर्चना केली जाते. यंदा गणेशोत्सव १९ सप्टेंबरपासून सुरु होईल आणि २८ सप्टेंबरला अनंत चतुर्थी आहे.

मोठ मोठ्या मंडळात आणि घरोघरी बाप्पाचे आगमन होईल. तसेच थाटामाट श्रीगणेशाची प्राणप्रतिष्ठा करुन स्थापना केली जाईल. तसेच श्रीगणेशाची मूर्ती स्थापन करताना काही नियम पाळायला हवे ज्यामुळे घरातील वाद कमी होतील. घरात सुख आणि समृद्धी नांदेल यादिवशी भक्तिभावाने पूजा केल्यास श्रीगणेश भक्तांचे सर्व संकट दूर करतात. जाणून घ्या गणेशाची प्राणप्रतिष्ठा करताना काय काळजी घ्याल.

1. दिशेकडे लक्ष द्या :

गणेशमूर्तीची प्रतिष्ठापना करताना दिशेची विशेष काळजी घ्या. घराच्या पूर्व किंवा पश्चिम दिशेला गणपतीची मूर्ती स्थापित करणे खूप शुभ मानले जाते. घराच्या दक्षिण दिशेला मूर्ती ठेवू नका. ईशान्य कोपऱ्यातही गणेशाची मूर्ती ठेवू शकता.

2. श्रीगणेशाची सोंड :

श्रीगणेशाची सोंड डावीकडे कललेली असावी. जर चुकीच्या सोंडेचा गणपती घरात आणला तर सुख-समृद्धी आणि शांती नष्ट होईल. तसेच प्रगतीचे मार्ग थांबू शकतात.

3. यापद्धतीची मूर्ती घरी आणा:

गणपतीची मूर्ती घरी आणताना मूर्तीसोबत गणेशाच्या हातात मोदक चरणाजवळ मूषक असणे आवश्यक आहे.

4. गणपतीची मूर्ती :

श्रीगणेशाची मूर्ती ही नेहमी बसलेल्या स्थिती असावी. अशी मूर्ती अत्यंत शुभ मानली जाते. त्यामुळे घरात कुटुंबातील सदस्यांचे सौभाग्य वाढते. सर्व कार्यात यश मिळते.

5. गणेशजींच्या मूर्तीचा रंग :

तुम्ही तुमच्या आवडीनुसार कोणत्याही रंगाच्या गणपती बाप्पाची मूर्ती घरी आणू शकता. परंतु सिंदूर, लाल आणि पांढऱ्या रंगाची गणेशमूर्ती घरी आणणे अत्यंत शुभ आणि शुभ मानले जाते.